ჰომოსექსუალობა არჩევანი არაა, სიძულვილი არჩევანია


იყო ჰომოსექსუალი ცხოვრების რთული მოცემულობაა. ეს არჩევანი არაა, ეს ადამიანის ბუნებრივი მდგომარეობაა, ისეთივე როგორიც შენი ნებისმიერი იდენტობა. ადამიანები ერთმანეთისგან მრავალი ნიშნით განვსხვავდებით. მიუხედავად ამისა, ჩვენს შორის ბევრად მეტი მსგავსებაა, ვიდრე განსხვავება. ხშირად ჩემი განსხვავებულობა, შენში მიუღებლობას იწვევს. რთულია გაუმკლავდე ზიზღნარევ მზერას უცხო ადამიანებისგან, რომელთათვის არაფერი დაგიშავებია. უარი თქვა ადამიანებზე რომლებიც შენთვის ძვირფასნი იყვნენ და მხოლოდ იმის გამო რომ შენ მათგან განსხვავებული სექსუალური ორიენტაცია გაქვს გავიწროებენ.

ორმაგი ცხოვრება გეი მამაკაცების ყოფის მძიმე ტვირთია, რომლისგან გათავისუფლება მხოლოდ საკუთარი იდენტობის სხვებისთვის გამხელით შეიძლება. მე გამიმართლა, ცხოვრება თავიდან დავიწყე, იმაზე მეტი ადამიანი შევიძინე ვიდრე დავკარგე. ნიღბის გარეშე ცხოვრება, საკუთარი ცხოვრებით ცხოვრებაა, რომლისთვისაც მსხვერპლის გაღება ღირს. თუნდაც ეს მსხვერპლი დანარჩენი სამყაროს ზიზღი იყოს შენს მიმართ. ჩვენი ყოფა ყოველდღიური ტანჯვასთან არის დაკავშირებული, ტანჯვასთან იყო ადამიანი. ისეთივე როგორიც შენ.

ხშირად მარტივ ჭეშმარიტებებზე გვიწევს საუბარი. რომ გვიყვარს, გვწყინს, გვიხარია, რომ ჩვენი მოჩვენებითი მხიარულების მიღმა დიდი სევდაა, რომ ჩვენი განსხვავებულობა ისეთივეა როგორც შენი განსხვავებულობა, რომ ცხოვრება მრავალფეროვანია და სიყვარულიც მრავალგვარი. სიყვარულის განსხვავებულობას ღმერთის სახელით ტაბურეტკებით არ უნდა დასდევდნენ. სიძულვილი რელიგია არ არის. 17 მაისი ჰომოფობიასთან და ტრანსფობიასთან ბრძოლის დღეა, დღე როდესაც იმ ადამიანებს იხსენებენ ვინც ჰომოფობიასა და ტრანსფობიას ემსხვერპლა, დღე როდესაც საბის ბიანკას, ზიზის ვიხსენებთ. ადამიანებს ვინც ჩვენს გვერდით იყვნენ და თქვენს სიძულვილს ემსხვერპლნენ. გლოვის დღე, რომელიც მართლმადიდებლურმა ეკლესიამ ზეიმის დღედ იქცია და ოჯახის სიწმინდის დღეს აღნიშნავს. დღე როდესაც ღმერთის სახელით ადამიანთა შორის უთანასწორობა ზეიმობს. სახელმწიფო კი უკვე წლებია ვერ უზრუნველყოფს ჩვენი კონსტიტუციური უფლებების დაცვას. ვერ უზრუნველყოფს ჩვენს უსაფრთხოებას.

© PHOTOESSAY

ტყუილია როდესაც ამბობენ რომ ოჯახებში არავის უვარდებიან, შარშან 17 მაისს საკუთარ სახლში ოთხი ადამიანი დამესხა თავს. მიუხედავად ჩემი მცდელობისა და დანაშაულის მოტივის განმარტებისა სამართალდამცავი უწყებების მიმართ. გამოძიება ჯგუფური ძარცვის მუხლით დაიწყო. დაკავებული ოთხი თავდამსხმელიდან მხოლოდ ერთია, რომელსაც ნივთების ქურდობა ედება ბრალად. სწორედ ამგვარი დანაშაულების სათანადოდ არ გამოძიება ქმნის ფონს, თითქოს სიძულვილით მოტივირებული დანაშაული ქვეყანაში არ ხდება რომ ჰომოფობია და ტრანსფობია მხოლოდ ჩვენი აკვიატებაა. შედეგად კი ყოველწლიურად სულ უფრო მეტი ადამიანი ეწირება სიძულვილს. ჰომოსექსოალობა არჩევანი არაა, სიძულვილი არჩევანია. ნუ დადგები ძალადობის მხარეს.

დატოვე კომენტარი

დატოვე კომენტარი

gabo_ge

პიარის გურუ ✔ სოციალური მედიის მამა ✔ მოწყვლადი ჯგუფების მამაგაბრიელი 3:)

მსგავსი პოსტები

კომენტარი:

This site uses Akismet to reduce spam. Learn how your comment data is processed.

ავტორის შესახებ

გოჩა გაბოძე

გოჩა გაბოძე

პიარის მამა, სოციალური მედიის გურუ , მოწყვლადი ჯგუფების მამაგაბრიელი 3:)

Twitter


FBpage

Instagram

#საოჯახოჯობია

ჩემი მეგობრები ინტერნატში გაიზარდნენ, ე.წ დიდი ზომის ინსტიტუციებში. საზოგადოებისგან განცალკევებულ გულაგებში. სადაც პატიმრების მსგავსად მათ ყოველდღიურობას რეჟიმი მართავს. დანაშაული განსხვავებულობაა, სასჯელი წართმეული თავისუფლება. ყოველდღიურობა: 9 საათზე გაღვიძება, დილით ფაფა, ეზოში სეირნობა, ტელევიზორის ყურება  დიდ საერთო ოთახში და ძილი. კიდევ, კიდევ არაფერი. თითქოს ადამიანს სხვა საჭიროება არ შეიძლება ქონდეს. არჩევანის უფლება ამგვარ დაწესებულებებში წართმეული აქვთ. იმასაც ვერ ირჩევენ რა ჭამონ, სად წავიდნენ სასეირნოდ და როგორ გახარჯონ კუთვნილი მიზერული პენსია. აქ მუდმივად სხვა იღებს შენს ნაცვლად გადაწყვეტილებას, იმაზეც კი თუ რა ჩაიცვა, თმა როგორ შეიჭრა და რა ფერის მანიკური წაისვა. ეს მათი ყოველდღიურობა იყო.

ადამიანებს მსგავსი გამოცდილებით შუაგულ საზოგადოებაში, ჩვენს მეზობლად თავისუფლებასა და დამოუკიდებელ ცხოვრებას ასწავლიან. გზაზე გადასვლით, მეტროს ესკალატორზე გულიანად შებიჯებით, სახლის დალაგების და ხო საჭმელის დამოუკიდებლად მომზადების სწავლებით. 
ასე ხელიხელჩაკიდებულებს ბევრი თავგადასავალი გადაგვხდენია.  შემაწუხებელიც, ფულებს რომ გვიკუჭავდნენ საბრალო მზერით  მოვიშვიშე ქალები. სასიამოვნოც, როგორ ღირსეულად, პატივისცემით და სიხარულით გვხვდებოდნენ. 
ოჯახი და ოჯახური გარემო ის ერთადერთი სივრცეა სადაც ადამიანი ბედნიერია, მისი ინტერესები და შესაძლებლობები რეალიზებული. აკეთებს დამოუკიდებელ არჩევანს და თავად ზრუნავს საკუთარი სურვილების რეალიზებაში. 
საზოგადოება ყველასათვისაა, დაუშვებელია იზოლირება გამორჩეული ადამიანების. 
#community4all
Instagram
@andthenwedanced  პრემიერა კინოთეატრ ამირანში
და ჩვენ ვიცეკვეთ 🏳️‍🌈❤️🇬🇪
@borisbrejcha  in Tbilisi at @summersetfestival
Instagram

ბაბალე

ბაბალე

თანასწორობის მოძრაობა

თანასწორობის მოძრაობა

არქივი